CaixaBank-ek eta Microsoft-ek, zazpigarren urtez jarraian, Espainiako unibertsitate-gradu zientifiko eta teknikoetako 16 ikaslerik onenak saritu dituzte WONNOW sariekin. STEM – Zientzia, Teknologia, Ingeniaritza eta Matematika – unbertsitate-graduetan emakumeen bikaintasuna aitortzen duten sariak dira, sektore horietako aniztasuna bultzatzeko eta genero-arrakala murrizten laguntzeko helburuarekin.
2018an sortu zenetik, Espainia guztiko 4.800 ikasle baino gehiago aurkeztu dira WONNOW sarietara, eta horrek argi uzten du deialdia finkatu dela eta erreferente bihurtu dela unibertsitate-arloan. Azken edizio honetan berriz hautsi da parte-hartzearen marka. Guztira 1.078 hautagaitza izan dira, eta hori lehen urtean aurkeztutakoen laukoitza da.
Espainian lanean ari diren emakume guztien artean lan zientifikoetan eta teknologikoetan ari diren emakumeen ehunekoa % 5 da. Gizonen artean, berriz % 13ra igotzen da ehuneko hori. Bokazioak bikortzeko eta emakumea STEM arloan txertatzeko lanean jarraitu behar da, lan-aukera izugarriak baitaude bertan.
Horixe da WONNOW sarien helburuetako bat. Zazpigarren edizio honetako sarien entrega Madrilgo CaixaBank-en ‘all in one’ bulegoan egin da, eta haraino bertaratu dira Gonzalo Gortázar, CaixaBank-en kontseilari ordezkaria, Eva Fernández, CaixaBank-en Kanal digitalen eta berrikuntzaren zuzendaria, Silvia Hernández, Espainiako Microsoft-eko Finantzen eta aseguruen sektoreko zuzendaria, eta Raquel Hernández, Espainiako Microsoft-en Segurtasun-soluzioen zuzendaria.
Bere hitzaldian, Gonzalo Gortázar-ek azaldu duenez “ekimen honen helburua karrera zientifikoak eta teknologikoak aukeratzen dituzten emakumeen talentua aitortzea eta saritzea da. Ikasketa horiek gero eta garrantzitsuagoak direlako gure gizartearen erronka nagusiei ekiteko, baina emakumeen presentzia txikia delako oraindik”. Zentzu horretan, neskatilei eta nerabeei zientziarekiko, teknologiarekiko, ingeniaritzarekiko eta matematikarekiko interesa pizteko eredu izatea eskertu die irabazleei CaixaBank-en kontseilari ordezkariak.
Bestalde, Silvia Hernández-ek nabarmendu du “biharko zientzialariak eta teknologoak gaurko geletan eserita daude. Emakumeek halako ikasketekiko interesak izatea bultzatzen ez badugu, zaila izango da sektoreko genero-arrakala murriztea, non gero eta profil profesional berri gehiago eskatzen diren digitalizazioak berekin dakarren errealitate berrirako arloak eta lanak estaltzeko. Microsoft-en uste dugu talentuak generorik ez duela, eta horregatik, neskatilak inspiratzeko, gazteak animatzeko eta gradua eskuratu berri dutenei STEM munduan karrera garatzen laguntzeko lan egiten dugu. WONNOW sari hauekin egiten dugun moduan, emakumeei teknologiaren eta zientziaren munduarekiko interesa pizteko ekintzak bultzatzen jarraitu behar dugu”.
Ikasketa-espediente onenak
2024an, ikasketa-espediente onena eta ibilbide profesional, pertsonal eta sozial onena izan dituen ikaslea Carmen Tabuenca Gómez (Iruñea) izan da, gradu bikoitza egin du Kimikan eta Biokimikan Nafarroako Unibertsitatean, eta 10.000 euroko sari ekonomikoa jaso du eta Microsoft-en mentoring programarako sarbidea.
Gainerako ikasle sarituek Microsoft-en mentoring programa baterako sarbidea izango dute eta sei hilabetez CaixaBank-en lan egingo dute lan-kontratu batekin Digital Transformation & Advanced Analytics, Bitartekoak eta Jasangarritasuna eta antzeko arlo garrantzitsuetan.
